HII NI DHULUMA KWA MAKAMPUNI MBALIMBALI YANAYOTOA HUDUMA KATIKA JAMII

 Kumekuwa na wimbi la sintofahamu miongoni mwa wanajamii kuhusiana na mfumo wa makampuni utitili yanayotoa huduma kwa jamii kama mawasiliano, umeme na maji kwa kuwa na makatizo yasiyokuwa na maelekezo maalum yanayopelekea kuzorota kwa huduma katika jamii katika maeneo mengine ukizingatia kuwa huduma hizi zinamahusiano ya karibu na uchumi katika jamii.

kumekuwa na malalamiko ya chini kwa chini yakilalamikia na kuonyesha shaka kwa baadhi ya huduma za mitandao ya simu ambayo imekuwa ikikatiza mawasiliano kwa muda flani na baadae mteja akaishia kutumiwa sms ya kuombwa radhi bila kujali kuwa katika kipindi ambacho walikuwa hawapo hewani walisababisha usumbufu na kupotea kwa fulsa za watumiaji katika maeneo wanayounganishwa kwa kiasi gani?
hivi sheria kwa watoa huduma inasemaje? na tumiaji wa simu kwa mtandao anaoutumia ikitokea mtandao huo ukawa haupo hewani kwa masaa matatu au matano bila NOTES mteja anaweza kulishtaki kampuni Husika?..............Itaendelea.......

WEDDING PLANNER: WAWEZA KUWA NA WATU WA CHACHE KWA SHEREHE YAKO NA IKAWA NA UBORA ULE ULE

 Mara nyingi watu wengi wanawaza au wakati mwingine bila kutarajia wanajikuta tu kuwa na sherehe yenye watu wengi sana na wakati mwingine kunakuwa na mapungufu mengi sana kwenye sherehe husika na wengi hawajui sababu ni nini?


Kukosekanika kwa mipango sahihi ndiko kunakopelekea shughuli nyingi kukosa mwelekeo na unakuta hata mpangilio wamatukio katika picha unakuwa wa kusuasua. Mara nyingi unakuta watu wanatumia mfumo uliozoeleka sana, na kujikuta mwisho wa siku wanakua na pesa ndogo mkononi kuliko kiwango cha huduma kinachohitajika.

Unaweza kuwa na harusi nzuri au send off nzuri kwa namna unavyofikiri shughuli yako iwe, kwa mfano? uliwahi kujiuliza kwanini uhitaji watu miatatu au watu miatano wakati wachangiaji wazuri hawafiki 100? kwanini usiwe na watu mia waliojitoa vizuri na sherehe yako ukaipangilia kwa gharama nafuu na ukaondokana na stress za kudaiwa au kupungua kwa fedha ambapo kunapelekea wengi kutokuwa na furaha mara baada ya kuisha kwa sherehe?

Tafuta ndugu na jamaa wanaoweza kukuchangia kila mmoja laki moja watu 80 ambapo utakuwa mil.8 na weka akiba ya watu 20 kutoka upande wa mwanamke watakaoingia bila gharama tengeneza kadi nzuri za mwaliko za bei ndogo lkn zenye mwonekano mzuri, Tafuta ukumbi au garden ambayo inaweza kuwa ya bei ndogo, Tafuta mpambaji alie bora lkn anafanya kwa garama nafuu, kwa ujumla tafuta watoa huduma walio bora lakini wanafanya huduma zao kwa bei nafuu. Weka wasimamizi wenye uelewa na shirikisha mawazo yako kabla hawajaingia kuwajibika, Epuka kuongezea vitu ambavyo hukuviplan kabla, mfano hukuplan sherehe yako iwe na bia afu ukashawishiwa katikati ya mchakato kuweka bia lazima ikukwamishe na kuyumbisha mpangilio wako na kunabaadhi ya vitu vitapoteza ubora na kusababisha sherehe yako kutofana. Itaendelea Jumatano ijayo............................

FAHAMU MADHARA YA KUFANYA KAZI USIKU

Wanasayansi wanasema kuwa kufanya kazi katika muda usio wa kawaida kikazi au katika mazingira yaliyo ya upweke kunaweza kuzeesha ubongo na kufanya uwezo wa utendaji kuwa duni.

Utafiti huo umeeleza katika jarida la Occupational and Environmental Medicine kuwa iwapo kazi za kupokezana, mfano nyakati za usiku zitafanywa kwa takriban miaka kumi mfululizo zitazeesha ubongo kabla ya wakati wake.

Wanasayansi wanasema ahueni imeonekana kwa watu baada ya kuacha kufanya kazi hizo lakini ilichukua miaka mitano kurejea kwenye hali ya kawaida.

Utafiti huu unaelezwa kuwa muhimu, kwa kuwa waathiriwa wengi kutokana na tatizo hilo wamekuwa wakilala usingizi wa mang'amung'amu.

Athari mbaya ambazo zinaelezwa kutokana na mtindo huo wa ufanyaji kazi ni madhara ya Saratani na uzito mkubwa.Wataalam hawa wamesema kuwa miili na akili zimejengwa kwa kufanya kazi mchana na kulala nyakati za usiku.

Timu ya wanasayansi kutoka chuo cha Swansea na Toulouse wameonesha kuwa kuna madhara ya kiakili pia.

LOVE: SHEREHE ZA HARUSI ZA WAAMERIKA WEUSI: Regina & Migue

 Wanandoa hawa walikutana kwa mara ya kwanza wakati Bwana Migue alipotembelea chuoni kwa Regina na na kundi lake la mziki wa Jazz wakati walipoondoka wakapeana namba za simu na usiku huo huo waliongea karibu usiku mzima, Cha kushangaza kila mmoja akapoteza namba za simu na kukawa hakuna mawasiliano tena na baada ya kupita miaka kadhaa wakakutana tena baada ya kukutana bwana Migue akatangaza ndoa. na ilichukua takribani mwezi mmoja kufunga ndoa.

                                                                  SWALI:
         Kwamuda mfupi wa namna hiyo inawezekana kupata ndoa iliyosahihi?

FASHION: Sheria Ngowi Mbunifu Mavazi anaezidi kung'ara

Mbunifu Sheria Ngowi Afunika katika maonyesho ya mavazi ya 'MERCEDES BENZ FASHION WEEK AFRICA 2014' Nchini Afrika Kusini

Akipita mbele kuonyesha mavazi aliyoyabuni katika onyesho la 'MERCEDES BENZ FASHION WEEK AFRICA 2014' Nchini Afrika Kusini

                                       Moja ya kazi nzuri za ubunifu wake Sheria Ngowi

BIASHARA: Tahadhari kwa watumiaji wa Mayai Jijini

Wimbi la usamabazaji wa bidhaa hafifu katika masoko kwa sasa limeendelea kushika kasi ambapo safari hii chama cha wafugaji wa kuku mkoa wa Dar es salaam ufukuda wamekamata shehena ya lori la mayai mabovu ambayo Yalikuwa yanauzwa na kusambazwa na mmoja wa wafanyabiashara wa mayai ambaye anae patikana eneo la Banana ukonga.Mayai hayo mabovu yanadaiwa kusafirishwa kutoka nchi jirani na kuletwa hapa nchini yakiwa tayari yameharibika na kuchanganywa na mayai mazima.

SIASA: Warioba mwiba. Poul Makonda kukutana na waandishi wa habari Protea Hotel ili kuzungumzia sakata hilo

• Hoja zawaumiza CCM, Makonda aongoza vijana kumshambulia
• Mdahalo wavunjika, polisi waonyesha udhaifu
• Meseji za kupanga vurugu zanaswa, wanavyuo wahusishwa

HOJA mbalimbali za aliyekuwa Mwenyekiti wa Tume ya Mabadiliko ya Katiba, Jaji Joseph Warioba, jana ziliwafanya baadhi ya makada wa CCM kupandwa na jazba na kuzua vurugu kubwa katika mdahalo ulioitishwa na Taasisi ya Mwalimu Nyerere kujadili masuala yaliyomo katika Katiba iliyopendekezwa.

Mdahalo huo ambao ulipangwa kuhutubiwa na baadhi ya wajumbe wa iliyokuwa Tume ya Mabadiliko ya Katiba, ilibidi uvunjike kutokana na vurugu hizo kubwa.

Mbali na kuvunjika kwa mdahalo huo, pia Jaji Warioba ambaye pia ni Makamu wa Rais mstaafu katika serikali ya awamu ya Pili, alishambuliwa kwa kupigwa na Katibu wa Uhamasishaji wa Chama cha Mapinduzi (CCM), Paul Makonda, pamoja na wafuasi wengine wa chama hicho.

Kabla ya kuanza kwa vurugu hizo, Mwenyekiti wa Taasisi ya Mwalimu Nyerere, Joseph Butiku, aliwaeleza wananchi waliohudhuria mdahalo huo dhamira yake ni kupata ufahamu wa masuala yaliyomo katika katiba na yale yaliyoondolewa, pia kufikia uamuzi sahihi siku ya kupiga kura ya kukataa au kukubali katiba hiyo.

Mara baada ya Butiku kumaliza kuongea, alimkaribisha mtoa mada Jaji Warioba, ambaye alizungumzia masuala mbalimbali yaliyoboreshwa na kuondolewa.

Muda wote Warioba alipokuwa akizungumza, wananchi walikuwa wakimshangilia kwa makofi huku baadhi ya vijana waliopangwa kufanya vurugu wakiwa wanahimizana kuonyesha mabango yao waliyoyaandaa juu.

Vurugu zilivyoanza

Wakati Jaji Warioba akizungumzia masuala mbalimbali, alilalamikia kitendo cha watu kumtumia Mwalimu Nyerere kama kinga ya kufanikisha masuala yao, huku akieleza kuwa kiongozi huyo mpaka anafariki dunia alikuwa akiamini katika azimio la Arusha.

“Laiti kama Nyerere angekuwepo asingekubali viongozi kuweka fedha nje ya nchi, kama Nyerere angekuwepo asingekubali viongozi kupewa zawadi na kuzificha majumbani mwao na kama Mwalimu Nyerere angekuwepo katika zama hizi…asingeruhusu maadili ya viongozi kukataliwa kuingizwa katika katiba,” alisema Jaji Warioba.

Kauli hiyo, iliamsha hisia za vijana waliokuwa upande wa kulia kwa Jaji Warioba wakiongozwa na Paul Makonda, ambao waliinua mabango juu, baadhi yakisomeka; Katiba iliyopendekezwa tumeipokea, tumeielewa, tumeikubali na tutaipitisha.

Mengine yaliandikwa; Fedha za magharibi haziwezi kubomoa nchi yetu, Katiba iliyopendekezwa tumeielewa na tunaiunga mkono. Kisha kuanza kushangilia na kuimba CCM…CCM…CCM.

Baada ya hali hiyo, watu walianza kushikana mashati na viti kuanza kurushwa ukumbini na baadhi ya watu, huku Makonda akimkimbilia Amon Mpanju, ambaye alikuwa mjumbe wa Bunge Maalum la Katiba kutoka kundi la Walemavu, kumfanya kuwa kinga yake kwa kujificha mgongoni mwake.

Muda wote huo, wajumbe waliokuwa wamepangwa kutoa mada katika mdahalo huo walikuwa wamekaa meza kuu huku baadhi ya vijana wakiwa wamewawekea ulinzi.

Wakati viti vikiendelea kurushwa ukumbini humo na wengine kushambuliana kwa makonde, mlinzi wa Jaji Warioba alimuondoa kiongozi huyo aliyepewa ulinzi wa ziada na baadhi ya vijana.

Hata hivyo, Makonda alitumia nafasi hiyo kujipenyeza na kisha kumrushia kibao cha mgongoni Jaji Warioba na vijana wengine waliokuwa karibu yake wakaamua kumshambulia kiongozi huyo.

Katika hali hiyo, mlinzi wa Jaji Warioba alijitahidi kuzuia mikono ya washambulizi na kisha kumbeba juu kwa juu kiongozi huyo na kumpeleka katika chumba cha watu maalum kwa ajili ya usalama.

Kitendo hicho cha Makonda kumshambulia Jaji Warioba, kiliamsha hasira za wananchi na kuanza kumshambulia huku kiongozi huyo wa uhamasishaji wa UVCCM akijitahidi kukimbilia katika moja ya vyumba vya wafanyabiashara hotelini humo kwa ajili ya kujiokoa.

Mpango wa kuvuruga mdahalo

Habari zilizopatikana kwa baadhi ya vijana ndani ya ukumbi wa mdahalo, zinaeleza kuwa waliofanya vurugu waliahidiwa kulipwa fedha baada ya kazi hiyo na kwamba, mkakati huo ulifanywa siku moja kabla ukiwahusisha baadhi ya wanavyuo.

Baadhi ya wanafunzi waliohusika wanatoka vyuo vya Mwalimu Nyerere Kigamboni na Chuo cha Usimamizi wa Maji na Maendeleo.

Baadhi ya wanafunzi hao walitumiwa ujumbe wa kwenda kufanya vurugu na mtu mwenye namba za simu 0656 501317 aliyejisajili kwa jina la Valence Kisima.

Katika ujumbe wake, Kisima aliwaandikia aliokusudia wakafanye vurugu kwamba; “Kesho Jumapili kuna kongamano Ubungo Plaza, mda (Muda) ni saa sita, nauli ipo kwa mshiriki mpe taarifa na mwenzio.

Ujumbe mwingine wa Kisima ulieleza; “But asivae rangi ya chama kijani wala njano coz 2kio ili ni maalum sana ntawapa maelekezo kesho saa tano nikija ukumbini.

Waliyosema awali

Awali kabla ya vurugu kuanza, Warioba alisema Watanzania hawapaswi kujivunia takwimu ya aslimia 81 ya masuala yaliyoingizwa katika katiba iliyopendekezwa, kwa kile alichoeleza masuala muhimu yaliyokuwa na nafasi ya kuleta mabadiliko yamewekwa pembeni.

Alisema mengi ya mambo yaliyoingizwa katika katiba hiyo ni yale mazuri yaliyochukuliwa katika katiba ya sasa huku masuala ya msingi yaliyopendekezwa na wananchi yakiwa yameachwa kando.

Aliongeza moja ya jukumu la tume aliyokuwa akiiongoza ni pamoja na kuchukua mazuri ya katiba inayotumika sasa na maoni mengine ya wananchi, huku akisema masuala ya tunu za taifa zilizoachwa na bunge maalum ni muhimu kwa ajili ya mabadiliko.

Butiku, alisema watazunguka katika mikoa ya Mwanza Mbeya na nchi ya Zanzibar, kwa ajili ya kufanya midahalo kama iliyofanyika katika maeneo mengine chini.

Alisema mdahalo wa jana, unapaswa kutafsiriwa kuwa ni wa watanzania na si wa makundi kama ilivyokuwa awali.

Aliongeza kuwa wananchi wanapaswa kujua kilichomo ndani ya katiba hiyo, japo bado haijasambazwa kwa kiasi kikubwa na kwamba, kwa sasa inapaswa kujadiliwa na wananchi na siyo makundi.

“Tunataka mtaani katiba hii ijadiliwe pasipo kumuogopa mtu, hakuna kusimamiwa na yeyote wala chama chochote, katiba hii ni yenu ili kesho na kesho kutwa usije kumlaumu mtu au kulaumiwa na mjukuu wako kwa uamuzi mtakaofikia baada ya kura ya maoni,” alisema Butiku.

Humphrey Pole pole, aliwaeleza wahudhuriaji kuwa katiba iliyopendekezwa inapaswa kuangaliwa kwa umakini na kwamba, wananchi kuipigia kura ya hapana siyo dhambi.

kutokana na hali hiyo Kiongozi wa uhamasishaji wa wa UVCCM Poul Makonda amewaita waandishi wa habari asubuhi hii katika hotel ya porotea ili kuzungumzia sakata hilo lililolaaniwa na vijana wengi wa taifa kuwa kitendo hicho ni laana na waliofanya hayo hawatakaa salama.

Tabora bado si shwari kwa watu wenye albinism

Wimbi la hofu dhidi ya maisha ya watu wenye albinism limeendelea baada
Msichana Kulwa Joseph (21) mwenye Albinism mkazi wa kijiji cha usonga
 kata ya sirambo wilayani kaliua mkoani tabora, amenesurika kuuawa na 
majambazi watatu, ambapo awali walimteka Balozi wa nyumbakumi na 
kumpiga ili awapeleke kwa mlemavu huyo naye kwa kubaini nia mbaya 
akawapeleka nyumba nyingine.

akizungumza katika kituo cha kulelea yatima na wanaoishi katika mazingira 
hatarishi cha huruma kilichoko chini ya kanisa kathoriki, Binti huyo 
kulwa Joseph amesema kuwa, watu ambao hawakujulikana walivamia 
nyumbani kwa jirani na kuanza kuwapiga mjomba wake anayeishi 
nyumba ya jirani.


Mmkuu wa wilaya ya kaliua Bw Saveli Maketa ambaye alimnusuru kwa 

kumhamisha porini walipokuwa anaishi amesema kuwa hali ya maisha ya
 walemavu wa ngozi wilayani humo inaonyesha kuwa hatarishi ambapo 
amewataka wananchi kuwa na mshikamano ili kuwanusuru na hali hiyo. 

Mratibu wa chama cha wenye uremavu mkoani Tabora Bw, Focus Magwesera
 amemtaja balozi aliyejeruhiwa na majambazi hayo kwa jina la makoye meli
 ambapo katika kutaka kumnusuru mlemavu huyo, aliwapeleka majambazi hao 
kwa nyumba ya jirani, huku mwenyekiti wa walemavu wilaya ya Sirambo 
akitishiwa kuuawa.

Ajali Mbaya yatokea Mkoani Arusha na kusababisha vifo

Watu 9 wamefariki dunia na wawili kujeruhiwa vibaya katika ajali ya barabarani iliyotokea katika eneo la Makumira wilayani Arumeru baada ya basi dogo aina ya Hiace kugongana uso kwa uso na lori la mafuta.

Kamanda wa Polisi wa mkoa wa Arusha Lebaratus Sabas amesema katika ajali hiyo imetokea majira ya saa Kumi jioni baada ya basi hilo dogo aina ya Nisan lenye namba za usajili T519 DBV lililokuwa likitokea jijini Arusha kwenda Usariver kuhama kwenye saiti yake na kukutana uso kwa uso na Lori hilo la mafuta lenye namba za usajili T582 ACR lilikuwa linatoka Moshi kwenda Arusha.

Baadhi ya mashuhuda wa ajali hiyo wamesema chanzo cha ajali hiyo ni uzembe wa dereva wa basi dogo na wameziomba mamlaka zinazohusika kuongeza adhabu kwa madereva wazembe.

Mbunge wa Arumeru Mashariki Mh Joshua Nassari amefika katika eneo la tukio kuungana na wananchi wengine kuokoa majeruhi na amependekeza kupanuliwa kwa barabara katika eneo hilo kama hatua ya kudhibiti ajali ambazo zimekithiri katika eneo hilo.